Մոլեկուլյար կենսաբանության և ցիտոգենետիկական լաբորատորիա

Իմունաֆենոտիպավորման լաբորատորիան ստեղծվել է 2013թ. Օգոստոսին ՀՀ ԱՆ հովանու ներքո: Այն հանդիսանում է նոր բաժին ոչ միայն Արյունաբանական կենտրոնում, նաև տարածաշրջանում: Լաբորատորիան ղեկավարում է Ալին Հակոբի Այվազյանը:

Լաբորատորիան տրամադրում է լայն ոլորտի ծառայություններ՝ հետազոտություններ հոսքային ցիտոֆլուրոիմետրով բջջային և ենթաբջջային մակարդակում:

Իմունաֆենոտիպավորման ներդրումը հեղափոխական էր սուր լեյկոզների ախտորոշման մեջ, քանի որ ապահովում էր ավելի մանրամասն և պրոգնոստիկորեն նշանակալի ֆենոտիպեր: Թերապիայի պատասխանի, մնացորդային հիվանդության և վաղ ռեցիդիվի մոնիտորինգը կարող է հեշտությամբ իրականացվել հոսքային ցիտոմետրի օգնությամբ:

Լաբորատորիայում նմուշների մշակման համար օգտագործվում է 4-գույնանի BD FACSCalibur անալիզատորը, որն հնարավորություն է տալիս հայտնաբերել 3 գույն (530/30, 575/26 և 650LP ֆիլտրներ) և 635նմ կարմիր լազեր, որը հնարավորություն է տալիս հայտնաբերել մեկ գույն (670LP ֆիլտր): Հիվանդների արյան բջիջները փորձանմուշում ներկվում են (Becton Dickinson և BD Biosciences ֆիրմաների) մոնոկլոնալ հակամարմիններով, որոնք բնորոշ են մակերևույթային և ներբջջային հակագեներին՝ Առողջապահության համաշխարհային կազմակերպության ուղեցույցերի համապատասխան:

Հետազոտման համար օգտագործվող նմուշներ՝

  • ծայրամասային արյուն,
  • ոսկրածուծ,
  • ողնուղեղային հեղուկ,
  • օրգանիզմի հեղուկներ:

ՀԵՏԱԶՈՏՈՒԹՅՈՒՆՆԵՐ

  1. Իմունաֆենոտիպավորում լեյկոզների և լիմֆոմաների բոլոր տեսակների համար՝
  • Քրոնիկ Միելոգենային Լեյկոզ (ՔՄԼ)
  • Սուր Միելոիդային Լեյկոզ (ՍՄԼ)
  • Սուր Միելոբլաստային Լեյկոզ
  • Սուր Միելոմոնոցիտային Լեյկոզ
  • Սուր Լիմֆոբլաստային/Լիմֆոցիտային Լեյկոզ
  • Խառը Գծային Լեյկոզ (ԽԳԼ)
  • Սուր Պրոմիելոցիտային Լեյկոզ (ՍՊԼ)
  • Սուր Էրիթրոիդային Լեյկոզ (ՍԷԼ)
  • Նախա Բ-Լիմֆոբլաստային Լեյկոզ
  • Նախա Տ-Լիմֆոբլաստային Լեյկոզ
  • Բ-բջջային Քրոնիկական Լիմֆոցիտային Լեյկոզ (Բ-ՔԼԼ)
  • Տ-բջջային Քրոնիկական Լիմֆոցիտային Լեյկոզ (Տ-ՔԼԼ)
  • Փոքր Լիմֆոցիտային Լիմֆոմա (ՓԼԼ)
  • Նախալիմֆոցիտային Լեյկոզ (ՆԼԼ)
  • Թարթչաբջջային լեյկոզ (ԹԲԼ)
  • Բազմակի Միելոմա (ԲՄ)
  • Միելոդիսպլաստիկ Համախտանիշ
  • Հասուն Տ և ԲՔ բջիջների նորագոյացություններ
  • Հոջկինի լիմֆոմա
  1. Սուր լեյկոզների դեպքում նվազագույն մնացորդային հիվանդության (ՄՆՀ) հայտնաբերումը
  2. Լիմֆոցիտների ենթապոպուլյացիաների, ցողունային բջիջների թվարկում
  3. Համատեղելիության որոշում երիկամի փոխպատվաստման համար հոսքային ցիտոմետրիկ եղանակով
  4. Հետփոխպատվաստումային մոնիտորինգ՝
  • Տ-բջջային մարկերներ` CD3, CD4, CD8
  • Բ-բջջային մարկերներ`  CD19
  • ԲՔ բջջիմարկերներ` CD56
  1. Կրծքագեղձի քաղցկեղի վաղ ախտորոշումը հոսքային ցիտոմետրիկ եղանակով
  2. Թրոմբոցիտների ֆունկցիայի հետազոտություն

Ցիտոգենետիկական լաբորատորիա

  • Ֆիլադելֆյան քրոմոսոմի BCR/ABL t (9; 22) հայտնաբերում
  • Ոսկրածուծի կարիոտիպավորում
  • Արյան կարիոտիպավորում
  • ՍՄԼ-ի ախտորոշում FISH մեթոդով և կարիոտիպավորումով
  • ՍԼԼ-ի ախտորոշում FISH մեթոդով և կարիոտիպավորումով
  • ՔԼԼ-ի ախտորոշում FISH մեթոդով
  • Միելոմայի ախտորոշում FISH մեթոդով
  • Լիմֆոմայի ախտորոշում FISH մեթոդով
  • ՍՊԼ-ի ժամանակ PML/RARA տրանսլոկացիայի հայտնաբերում
  • ՍԼ-ի ախտորոշում FISH մեթոդով և կարիոտիպավորումով
  • FIP1L/CHIC2/PDGFRA դելեցիայի հայտնաբերում
  • Ամնիոտիկ հեղուկի և խորիոնիկ թավիկների հետազոտություն FISH մեթոդով
  • Կրծքագեղձի քաղցկեղով հիվանդների մոտ Her-2 մուտացիայի հայտնաբերում
  • Հեմոֆիլիայի VIII գործոնի գենի (Xq28) մուտացիայի որոշում FISH մեթոդով
  • Անպտղությամբ տառապող զույգերի մոտ արյան կարիոտիպավորում:

Մոլեկուլյար գենետիկական լաբորատորիա

  1. Jak-2 գենի որոշում ալել-սպեցիֆիկ ՊՇՌ մեթոդով
  2. BCR/ABL տրանսլոկացիայի որակական որոշում ՊՇՌ մեթոդով
  3. BCR/ABL տրանսլոկացիայի քանակական որոշում ՊՇՌ մեթոդով

Էլեկտրաֆորեզի մեթոդ՝

  • Helena V8 ավտոմատացված անալիզատրով հեմոգլոբինի էլեկտրաֆորեզ՝ հեմոգլոբինի A, A2, F և ախտաբանական տեսակների որոշում
  • Helena V8 ավտոմատացված անալիզատրով շիճուկային սպիտակուցների իմունային մազանոթային էլեկտրաֆորեզ
  • Helena V8 ավտոմատացված անալիզատրով շիճուկային սպիտակուցների մազանոթային էլեկտրաֆորեզ
  • Helena V8 ավտոմատացված անալիզատրով մեզի սպիտակուցների մազանոթային էլեկտրաֆորեզ
  • Helena V8 ավտոմատացված անալիզատրով կենսաբանական հեղուկների մազանոթային էլեկտրաֆորեզ
  • HYDRASYS 2 scan Sebia անալիզատրով Բենս-Ջոնսի ախտաբանական սպիտակուցի որոշում մեզում և շիճուկում