Բաժանմունքի վարիչ՝ Անդրանիկ Գրիգորի Շամիլյան
Արյան բաղադրամասերի պաշարման բաժանմունքի կառուցվածքի մեջ մտնում են դոնորական կադրերի հավաքագրման ու բժշկական ծանուցման խմբերը և արյան ու դրա բաղադրամասերի պաշարման խումբը: Բաժանմունքում աշխատում են բարձր որակավորմամբ մասնագետներ` բժիշկներ, բարձրակարգ բուժքույրեր, որոնք ունեն իրենց զբաղեցրած պաշտոնին համապատասխան վկայականներ:
Արյան բաղադրամասերի պաշարման բաժանմունքում իրականացվում են հետևյալ աշխատանքները՝
- Արյան դոնորների ընդունում և զննում
- Արյան դոնորներից արյան կամ արյան բաղադրամասերի հավաքագրում, մշակում և պահպանում
- Դոնորների իմունիզացում Rh(D)-հակածինով
- Իզոիմուն պլազմայի հավաքագրում և պահպանում
- Արյան բաղադրամասերի ռենտգեն ճառագայթում և պաթոգեն ինակտիվացում
- Պերիֆերիկ ցողունային բջիջների հավաքագրում
- Արտագնա արյունատվությունների կազմակերպում և անցկացում
Արյան բաղադրամասերի պաշարման բաժանմունքում պատրաստվում են հետևյալ բաղադրամասերը՝
- Էրիթրոցիտային զանգված
- Լվացված էրիթրոցիտային զանգված
- Լեյկոֆիլտրված էրիթրոցիտային կախույթ
- Ճառագայթված էրիթրոցիտային զանգված
- Թարմ սառեցված պլազմա (ստացված մեկ պարկ ամբողջական արյունից կամ պլազմաֆերեզի եղանակով)
- Պաթոգեն ինակտիվացված թարմ սառեցված պլազմա
- Կրիոպրեցիպիտատ
- Ճառագայթված թրոմբոցիտային զանգված (ստացված մեկ պարկ ամբողջական արյունից)
- Թրոմբոցիտային կոնցենտրատ (ստացված աֆերեզի եղանակով)
