Շճաբանական լաբորատորիայի ղեկավար՝ Գայանե Հաջիբաբի Գևորգյան
Շճաբանական լաբորատորիան համալրված է բարձրորակ լաբորատոր սարքավորումների առաջատար արտադրողների ժամանակակից անալիզատորներով («Abbotte AXSYM», «Architect i1000SR», «Cobas e 411»), որոնք ապահովում են կատարվող լաբորատոր հետազոտությունների բարձր որակ: Իբրև աստիճանավորման /կալիբրովկա/ և վերահսկման նյութեր ներլաբորատոր որակի հսկողության համար, շճաբանական լաբորատորիայում օգտագործվում են Abbott և այլ ընկերությունների հավաստագրված կենսանյութերը:
Շճաբանական լաբորատորիայում կատարվում է Արյունաբանական կենտրոնի և Երևան քաղաքի մի շարք բժշկական կենտրոնների («Վ. Ա. Ֆանարջյանի անվ. Ուռուցքաբանության ազգային կենտրոն», «Էրեբունի», «Արաբկիր», «Սուրբ Աստվածամայր» բժշկական կենտրոններ, «Վնասվածքաբանության և Օրթոպեդիայի» գիտական կենտրոն,) դոնորների և հիվանդների արյան նմուշների հետազոտում:
Լաբորատորիայում աշխատում են բարձր որակավորում ունեցող մասնագետներ՝ բժիշկ-լաբորանտներ, որոնք ունեն հավաստագրեր՝ համապատասխան իրենց զբաղեցրած պաշտոնին:
Ներկայումս շճաբանական լաբորատորիայում կատարվում են հետևյալ հետազոտությունները՝
- իմունաֆերմենտային եղանակով HIV սկրինինգային հետազոտություններ միաժամանակ HIV1 և HIV2-ի նկատմամբ հակամարմինների թեստ-համակարգերի օգնությամբ
- վիրուսային В և С հեպատիտների հետազոտություններ՝ (HBs-Ag, HBс-Ag) սպիտակուցային հակածինների օգտագործմամբ վիրուսային В հեպատիտի և հակածիների կիրառմամբ՝ վիրուսային հեպատիտ С-ի ախտորոշման համար
- բրուցելիոզի, տոքսոպլազմոզի, խլամիդիայի, սովորական և գենիտալ հերպեսի վիրուսի, ցիտոմեգալովիրուսի, Էպշտեյն-Բարր վիրուսի որոշում
- սեռական ճանապարհով փոխանցվող վարակների՝ սիֆիլիսի, ուրեապլազմայի, միկոպլազմայի որոշում
- ֆոլաթթվի, հոմոցիստեինի, ֆերրիտինի, B12 վիտամինի, վիտամին D որոշում
- վահանաձև գեղձի հորմոններ