Մեծահասակների Ուռուցքաբանության ԵՎ Քիմիաթերապիայի Կլինիկա

Մեծահասակների Ուռուցքաբանության և Քիմիաթերապիայի Կլինիկան հիմնվել է ՀՀ ԱՆ  պրոֆ․ Ռ․ Օ․ Յոլյանի անվան Արյունաբանական Կենտրոնում 2019թ․-ի մայիսին։

Կլինիկայում բուժում են ստանում չարորակ սոլիդ ուռուցքային ախտահարում ունեցող պացիենտները (կրծքագեղձի քաղցկեղ, ստամոքս-աղիքային համակարգի քաղցկեղներ, թոքի և միջնորմի քաղցկեղներ, գինեկոլոգիական և ուռոլոգիական քաղցկեղներ, ոսկրային և փափուկ հյուսվածքային չարորակ ուռուցքներ, գլխուղեղի չարորակ ուռուցքներ)։  Օնկոհիվանդների բուժումը հիմնված է միջազգային NCCN, ESMO, ASCO, EAU ուղեցույցների վրա։ Կլինիկայում կազմակերպվում են դեղորայքային բուժման բոլոր ժամանակակից տեսակները՝ ներառելով ինչպես ստանդարտ քիմիաթերապևտիկ և հորմոնալ բուժումները, այնպես էլ  նորագույն իմունոթերապևտիկ և թիրախային բուժման տարբերակները։ Կլինիկայում իրականացվում է նաև բարդագույն բարձր դեղաչափերով քիմիաթերապևտիկ բուժում (մասնավորապես օստեոսարկոմաների ժամանակ անցկացվում է ինչպես եվրոպական ուղեցույցներին համապատասխանող Methotrexate-ի գերբարձր դոզավորմամբ ներարկումներ ներառող բուժում,  այնպես էլ օստեոսարկոմաների ամերիկյան ուղեցույցին համապատասխանող բուժում, որոնք ՀՀ այլ կլինիկաներում չեն իրականացվում)։

Կլինիկան հանդիսանում է ԵՊԲՀ Օնկոլոգիայի ամբիոնի բազա, որտեղ ուսանողները անցնում են ուռուցքաբանության դասընթացը, իսկ կլինիկական օրդինատորները ստանում են նեղ մասնագիտացում՝ ստանալով ուռուցքաբան-քիմիաթերապևտի (կլինիկական ուռուցքաբան) որակավորում։

Կլինիկայում աշխատող բուժանձնակազմը վերապատրաստումներ է անցել եվրոպական և ամերիկյան առաջատար հիվանդանոցներում, ակտիվ մասնակցում է միջազգային գիտական համաժողովներին, սեմինարներին, վեբինարներին։ Բժիշկները հանդիսանում են մի շարք օնկոլոգիական ասոցիացիաների անդամներ (ASCO – American Society of Clinical Oncology, ESMO – European Society for Medical Oncology, ESO – European School of Oncology, AAHO – Armenian Association of Hematology and Oncology, …)։ Նրանք ունեն տպագրված բազմաթիվ գիտական աշխատություններ՝ այդ թվում  նաև միջազգային հեղինակավոր պարբերականներում։

 

Կլինիկայի կազմը․

  1. Կլինիկայի ղեկավար՝ Դավիթ Գևորգի Զոհրաբյան
  2. Բաժանմունքի վարիչ՝ Լիանա Լեոնիդի Սաֆարյան
  3. Բժիշկ՝ Սամվել Գևորգի Բարդախչյան
  4. Բժիշկ՝ Ջեմմա Խաչատուրի Առաքելյան
  5. Կլինիկական օրդինատոր՝ Մարտին Գագիկի Հարությունյան
  6. Կլինիկական օրդինատոր՝ Նունե Վիգենի Կարապետյան
  7. Կլինիկական օրդինատոր՝ Մարիամ Հայկազի Մայիլյան
  8. Կլինիկական օրդինատոր՝ Ամալյա Վարդանի Սարգսյան
  9. Ավագ բուժքույր՝ Լիլիթ Ռազմիկի Թունյան
  10. Բուժքույր՝ Գոհար Խաչիկի Արշակյան
  11. Բուժքույր՝ Եսթեր Ջանիբեկի Նազարեթյան
  12. Բուժքույր՝ Անգին Հովհաննեսի Մանուկյան
  13. Բուժքույր՝ Ասյա Արմենի Գալստյան
  14. Բուժքույր՝ Անահիտ Էդուարդի Հովհաննիսյան
  15. Մայրապետ՝ Թերեզա Վաչեի Ղազարյան
  16. Մայրապետ՝  Անահիտ Արշավիրի Ավագյան
  17. Մայրապետ՝ Ռուզան Գյուլափի Մկրտչյան
  18. Մայրապետ՝ Իրինա Սերյոժայի Սահակյան