Ընդհանուր տեղեկատվություն

ՀՀ առողջապահության նախարարության «Պրոֆ. Ռ.Հ.Յոլյանի անվան արյունաբանական կենտրոն» ՓԲԸ-ն Հայաստանում արյան համակարգի հիվանդությունների ախտորոշման և բուժման եզակի մասնագիտացված կենտրոնն է: Կենտրոնն իրականացնում է արյան համակարգի չարորակ հիվանդություններով և արյունաբանական այլ ախտաբանություններով տառապող երեխաների և մեծահասակների լիարժեք ախտորոշում և բուժում՝ ժամանակակից լավագույն սարքավորումներով, միջազգային ուղեցույցներով, բուժական ծրագրերով և գործելակարգերով: Արյունաբանական կենտրոնում հիվանդների բուժումն իրականացվում է քիմիաթերապիայի ժամանակակից ծրագրերով և աշխարհում ընդունված, բարձր արդյունավետություն ունեցող բուժական մեթոդներով՝

  • Թիրախային թերապիա (target therapy)` թիրոզին կինազայի ինհիբիտորների կիրառում
  • Բջջային թերապիա՝ ոսկրածուծի/ցողունային բջիջների փոխպատվաստում

Կենտրոնի ախտորոշիչ և բուժական ծառայությունները տրամադրում են աշխարհի լավագույն հիվանդանոցներում շարունակաբար վերապատրաստվող բժիշկներ («ԲԴ Անդերսոնի կաղցկեղի կենտրոն», «Համբուրգ-Էպենդորֆ համալսարանական կլինիկա», Պրահայի «Արյունաբանության և արյան փոխներարկման ինստիտուտ», «Դ.Ռոգաչովի անվան մանկական արյունաբանության, ուռուցքաբանության և իմունաբանության գիտակլինիկական կենտրոն»):

Արյունաբանական կենտրոնում բուժվող հիվանդությունների ցանկում են.

  • Սուր լեյկեմիաներ՝
  • միելոբլաստային
  • լիմֆոբլաստային
  • Լիմֆոմաներ՝
  • Հոջկինի լիմֆոմա (HL)
  • Ոչ Հոջկինյան լիմֆոմա (NHL), որոնց թվում են՝
  • B խոշոր բջջային լիմֆոմա
  • Ֆոլիկուլյար լիմֆոմա
  • T բջջային լիմֆոմաներ
  • էքտրանոդալ լիմֆոմա և այլն
  • Միելոմային հիվանդություն՝
  • Վալդենստրեմի մակրոգլոբուլինեմիա
  • Քրոնիկական լեյկեմիաներ՝
  • Քրոնիկական լիմֆոլեյկոզ
  • Քրոնիկական միելոլեյկոզ
  • Թարթչաբջջային լեյկոզ
  • Միելոպրոլիֆերատիվ հիվանդություններ
  • Միելոդիսպլաստիկ համախտանիշ՝ իր բոլոր ենթատեսակներով
  • Ph բացասական միելոպրոլիֆերատիվ հիվանդություններ՝
  • Միելոֆիբրոզ
  • Էրիթրեմիա
  • Էսենցիալ թրոմբոցիտեմիա
  • Սակավարյունություններ՝  
  • Երկաթ-դեֆիցիտային
  • Վիտամին B12 դեֆիցիտային
  • Ֆոլաթթու դեֆիցիտային
  • Ժառանգական հեմոլիտիկ սակավարյունություններ (թալասեմիա, միկրոսֆերոցիտոզ)
  • Ձեռքբերովի հեմոլիտիկ սակավարյունություններ և այլն
  • Մակարդելիության համակարգի հիվանդություններ
  • Հեմոֆիլիա (ժառանգական և ձեռքբերովի)
  • Թրոմբոֆիլիա
  • Մակարդելիության համակարգի այլ խանգարումներ
  • Թրոմբոցիտար օղակի ախտաբանություններ՝
  • Իմուն թրոմբոցիտոպենիկ ծիրանացան
  • Թրոմբոցիտոպաթիաներ Արյունաբանական կենտրոնում գործում են արյան համակարգի հիվանդությունների ախտորոշման համար անհրաժեշտ ժամանակակից լավագույն սարքավորումներով համալրված լաբորատորիաներ և գործիքային ախտորոշման հետևյալ բաժանմունքներ՝
  • Կլինիկական լաբորատորիա՝
  • մորֆոլոգիական
  • բիոքիմիական
  • մակարդելիության
  • շճաբանական
  • իմունաարյունաբանական
  • Մոլեկուլյար կենսաբանության և ցիտոգենետիկայի լաբորատորիա՝ 
  • Իմունաֆենատիպավորում (հոսքային ցիտոմետրիա/flow cytometry)
  • Ցիտոգենետիկական հետազոտություն (կարիոտիպավորում, FISH մեթոդ)
  • էլեկտրոֆորեզ (մեզի և արյան)
  • Պոլիմերազային շղթայական ռեակցիա (ՊՇՌ)
  • Սիքվենավորում/ԴՆԹ գեների հաջորդականության որոշում (հաջորդ սերնդի սիքվենատոր/next generation sequencing/NGS) գենետիկ մուտացիաների հայտնաբերման նպատակով
  • Հյուսվածաբանական և հիստոքիմիական լաբորատորիա՝
  • տրեպանոբիոպտատի, ավշային հանգույցի, փայծաղի, թիմուսի հետազոտություններ՝
  • հիստոլոգիական,
  • հիստոքիմիական
  • իմունահիստոքիմիական
  • Գործիքային ախտորոշման  բաժանմունք՝
  • Ճառագայթային ախտորոշման բաժին՝
  • համակարգչային շերտագրում
  • թվային ռենտգեն հետազոտություն
  • ուլտրաձայնային հետազոտություն
  • Էնդոսկոպիկ ծառայություններ ՝
  • Էզոֆագոգաստրոդուոդենոսկոպիա
  • կոլոնոսկոպիա
  • Ցողունային բջիջների լաբորատորիա, որտեղ մշակվում և սառեցվում են
  • Ոսկրածուծի արյունաստեղծ ցողունային բջիջներ
  • ծայրամասային արյունից ստացված արյունաստեղծ ցողունային բջիջներ
  • պորտալարի արյուն
  • մեզենքիմալ բջիջներ
  • Արյան Բանկ

Արյունաբանական կենտրոնում գործող Արյան բանկում դոնորական արյունից ստացվում են արյան բաղադրամասեր, որոնք տրամադրվում են Արյունաբանական կենտրոնում, ինչպես նաև Երևանի և մարզերի բուժհաստատություններում բուժվող հիվանդներին:

Արյան բանկը կատարում է շրջանառող արյունից ցողունային բջիջների հավաքում (հիվանդներից/դոնորներից), Արյունաբանական կենտրոնում բուժվող հիվանդների բուժական աֆերեզի (լեյկոցիտաֆերեզ, պլազմաֆերեզ) միջոցառումների անցկացում:

Արյունաբանական կենտրոնում գործում են՝

  • Ոսկրածուծի/ցողունային բջիջների փոխպատվաստման բաժանմունք
  • Մեծահասակների կլինիկա-դիսպանսեր և կլինիկական արյունաբանական բաժանմունքներ
  • Մանկական կլինիկա-դիսպանսեր և կլինիկական արյունաբանական բաժանմունքներ
  • Վերակենդանացման բաժանմունք
  • Վիրաբուժական բաժանմունք
  • Հեմոֆիլիայի և թրոմբոֆիլիայի կենտրոն
  • Նեղ մասնագիտական կաբինետներ՝
  • ատամնաբուժական
  • էնդոկրինոլոգիական
  • սրտաբանական
  • նյարդաբանական

Կենտրոնը համագործակցում է մի շարք ճանաչված կլինիկաների և կազմակերպությունների հետ՝

  • Սուրբ Հուդայի մանկական հետազոտական հիվանդանոց (ԱՄՆ),
  • Համբուրգ-Էպենդորֆ համալսարանական կլինիկա (Գերմանիա),
  • ՄԴ Անդերսոն քաղցկեղի կենտրոն (ԱՄՆ),
  • Դ.Ռոգաչովի անվան մանկական արյունաբանության, ուռուցքաբանության և իմունաբանության գիտակլինիկական կենտրոն (ՌԴ),
  • Սուրբ Աննայյի մանկական հիվանդանոց (Ավստրիա),
  • Ռ.Մ.Գորբաչովայի անվան մանկական արյունաբանության, ուռուցքաբանության և փոխպատվաստման ինստիտուտ (ՌԴ),
  • Մյունսթերի համալսարանական հիվանդանոց (Գերմանիա),
  • Չինաստանի բժշկական համալսարանի (Թայվան),
  • Դյուսելդորֆի համալսարանական հիվանդանոց (Գերմանիա),
  • Հայդելբերգի համալսարանական հիվանդանոց (Գերմանիա),
  • Արյունաբանության և արյան փոխներարկման ինստիտուտ (Չեխիա),
  • Մոտոլ համալսարանական հիվանդանոցի մանկական արյունաբանության և ուռուցքաբանության կենտրոն (Չեխիա),
  • Արյան Ազգային կենտրոն (Իտալիա),
  • Լիբանանի մանկական քաղցկեղի կենտրոն (Լիբանան),
  • Հուսեին թագավորի քաղցկեղի կենտրոն (Հորդանան),
  • Լոս Անջելեսի Կալիֆորնիայի համալսարան (ԱՄՆ),
  • Սթենֆորդի համալսարանի ՄԴՍ կենտրոն և օրթոպեդիայի բաժանմունք (ԱՄՆ),
  • Հարվարդի համալսարանի հեմատոպաթոլոգիայի ամբիոն (ԱՄՆ),
  • Մեյո քլինիքի արյունաբանության բաժանմունք (ԱՄՆ),
  • ԱՄՆ Առողջապահության ազգային ինստիտուտի միելոմաների բաժանմունք (ԱՄՆ),
  • ԱՆ Արյունաբանության ազգային բժշկական հետազոտական կենտրոն (ՌԴ),
  • Իաշվիլի մանկական կենտրոնական հիվանդանոց (Վրաստան),
  • Լունդի համալսարանական հիվանդանոց (Շվեդիա),
  • Պետական գիտահետազոտական մանկական ուռուցքաարյունաբանական կենտրոն (Բելառուսի Հանրապետություն)
  • Ժորժ Պոմպիդուի հիվանդանոցի արյունաբանական կլինիկա (Ֆրանսիա),
  • Մոֆֆիթթի քաղցկեղի կենտրոն (ԱՄՆ),
  •  Գրացի համալսարանական հիվանդանոց (Ավստրիա),
  • Մեմորիալ-Սլոան Քեթթերինգ քաղցկեղի կենտրոն (ԱՄՆ),
  • Կարմանոս քաղցկեղի կենտրոն (ԱՄՆ),
  • NovoNordisk ընկերություն (Շվեյցարիա),
  • Hilf Fur Armenia հիմնադրամ (Գերմանիա),
  •  Max Foundation (ԱՄՆ),
  • Cure2Children հիմնադրամ (Իտալիա):

Արյունաբանական կենտրոնը հանդիսանում է Երևանի Մ. Հերացու անվան պետական բժշկական համալսարանի արյունաբանության ամբիոնի, ուռուցքաբանության ամբիոնի և մանկական ուռուցքաբանության և արյունաբանության ամբիոնի կլինիկական բազա: