Կենտրոն վարչական շրջանի ղեկավար Սամվել Ղուկասյանի նախաձեռնությամբ Կենտրոն վարչական շրջանի ղեկավարի աշխատակազմի կրթության, մշակույթի և սպորտի բաժնի կողմից անակնկալ մատուցվեց Պրոֆեսոր Ռ.Հ. Յոլյանի անվան արյունաբանական կենտրոնում բուժում ստացող երեխաներին։ Կենտրոն վարչական շրջանի Մանկապատանեկան ստեղծագործության և գեղագիտական դաստիարակության կենտրոնի թատրոնի խմբակի սաները ողջունեցին ներկաներին «Անսովոր ընկերություն» ներկայացմամբ՝ փոխանցելով սեր, ուժ և անսահման ջերմություն:
Ներկայացման ավարտին երեխաներին հանձնվեցին նվերներ:
Պրոֆեսոր Ռ.Հ. Յոլյանի անվան արյունաբանական կենտրոնի տնօրեն Սամվել Դանիելյանի և Կենտրոն վարչական շրջանի ղեկավար Սամվել Ղուկասյանի միջև ձեռք բերված պայմանավորվածության համաձայն` նման ձևաչափով հանդիպումները կլինեն շարունակական։
