Բաժանմունքը համալրված է 7 մահճակալով՝ 4-ը մեծահասակների և 3 մանկական: Ամբողջ բաժանմունքի օդափոխանակությունն իրականացվում է հատուկ համակարգի միջոցով՝ ապահովելով օդի միակողմանի /լամինար/ հոսքը և HEPA ֆիլտրացիան: Բաժանմունքում առկա են հիվանդների բուժման և խնամքի համար անհրաժեշտ բոլոր տեխնիկական միջոցները և պայմանները ոսկրածուծի /արյունաստեղծ ցողունային բջիջների/աուտո/ալոգեն փոխպատվաստում իրականացնելու համար: Բաժանմունքի գործունեությունն ապահովում է արտերկրում վերապատրաստված տրանսպլանտ թիմը Կ.Հ. Մելիքսեթյանի գլխավորությամբ:
Ներկայում բաժանմունքում իրականացվում է ոսկրածուծի/արյունաստեղծ ցողունային բջիջների աուտոփոխպատվաստում մեծահասակների արյան չարորակ հիվանդությունների՝ մասնավորապես բազմակի միելոմա, Հոջկինի, ոչ Հոջկինյան լիմֆոմաների, մեծահասակների սոլիդ ուռուցքների և մանկական սոլիդ ուռուցքների՝ մասնավորապես նեյրոբլաստոմա, Յուինգի սարկոմա և մեդուլոբլաստոմաների համար:
2016 թ.-ի դեկտեմբերին կազմավորվեց ոսկրածուծի փոխպատվաստման խումբը, որի մեջ ընդգրկվեցին՝
- Կարեն Մելիքսեթյանը - խմբի ղեկավար
- Երվանդ Հակոբյանը - մեծահասկաների բժիշկ-արյունաբան
Միրանուշ Սաարյանը - մեծահասակների բժիշկ-արյունաբան - Արմինե Ֆարմազյանը - մեծահասակների բժիշկ-արյունաբան
- Լուսինե Քրմոյանը - ոսկրածուծի փոխպատվաստման մանկական խմբի պատասխանատու
- Ինգա Խալաթյանը - մանկական բժիշկ-արյունաբան
Մարինա Ավետիսյանը - բուժքույրական թիմի ղեկավար - Արմինե Պեպանյանը - ցողունային բջիջների լաբորատորիայի ղեկավար
- Անդրանիկ Շամիլյանը - բժիշկ-տրանսֆուզիոլոգ, արյան դոնորության ծառայության ղեկավար
Մասնագետների վերապատրաստումներն իրականացվել են հետևյալ կլինիկաներում՝
- «Համբուրգ-Էպենդորֆ համալսարանական կլինիկա», Գերմանիա
- «Արյունաբանության և արյան փոխներարկման ինստիտուտ», Չեխիա
- «Տրինիտի Սբ. Ջեյմս քաղցկեղի կենտրոն» ինստիտուտ, Դուբլին, Իռլանդիա
- Վիլհելմինենշպիտալ, Վիեննա, Ավստրիա
- «ՄԴ Անդերսոն բժշկական կենտրոն» Հյուստոն ,ԱՄՆ
- «Մոտոլ համալսարանական հիվանդանոցի մանկական արյունաբանության և ուռուցքաբանության կենտրոն», Չեխիա
- Hospital General Universitario Morales Meseguer, Մուրսիա, Իսպանիա
- «Դ.Ռոգաչովի անվան մանկական արյունաբանության, ուռուցքաբանության և իմունաբանության գիտակլինիկական կենտրոն», Մոսկվա, ՌԴ
- «Ռ.Մ.Գորբաչովայի անվան մանկական արյունաբանության, ուռուցքաբանության և փոխպատվաստման ինստիտուտ», Սանկտ-Պետերբուրգ, ՌԴ
Բաժանմունքի գործնկերներն են Եվրոպայի ոսկրածուծի փոխպատվաստման խումբը (EBMT) և Համբուրգ Էպենդորֆ համալսարանական կլինիկայի ոսկրածուծի փոխպատվաստման կենտրոնը պրոֆ. Նիկոլաուս Քրյոգերի ղեկավարությամբ:
2017թ.-ի ապրիլին մեկնարկեց «Ոսկրածուծի փոխպատվաստման հայկական խմբի» ոսկրածուծի աուտոփոխպատվաստման ծրագիրը: Ոսկրածուծի փոխպատվաստման ծրագիրը իրականացվելու է երկու փուլով: Առաջին փուլը` ոսկրածուծի աուտոփոխպատվաստում արյան համակարգի չարորակ (myeloma/lymphoma) հիվանդությունների և սոլիդ ուռուցքների համար: Երկրորդ փուլը ոսկարծուծի/արյունաստեղծ ցողունային բջիջների ալոգեն փոխպատավաստումն է, որը կմեկնարկի ապագա տարիների ընթացքում: Հայկական բժշկագիտության մեջ նախադեպը չունեցող առաջին փոխպատվաստումներն իրականցվեցին 2017թ.-ի ապրիլին: Ցողունային բջիջների հավաքագրման, գնահատման, մշակման և սառեցման փուլերն իրականացվեցին «Արյան և ցողունային բջիջների հավաքագրման ծառայության» Ս. Հովհաննիսյանի, «Ցողունային բջիջների լաբորատորիայի» Ա. Պեպանյանի թիմերի, «Ռ. Գորբաչովայի անվ. մանկական արյունաբանության և ոսկրածուծի փոխպատվաստման կենտրոնի» մասնագետներ Ե. Բաբենկոյի և Դ. Պևցովի մասնակցությամբ:
Ոսկրածուծի աուտոփոխպատվաստումը բազմակի միելոմայով երկու հիվանդներին իրականացվեց ոսկրածուծի փոխպատվաստման թիմի Կ. Մելիքսեթյանի, Ե. Հակոբյանի, Մ. Սաարյանի, Ք. Պողոսյանի և «Համբուրգ Էպենդորֆ» համալսարանական կլինիկայի ոսկրածուծի փոխպատվատսման կենտրոնի ղեկավար պրոֆ. Ն. Քրյոգերի կողմից: Հաջողված 4 աուտոփոխպատվաստում իրականացվեց առաջին աշխատանքային տարվա ընթացքում:
2021թ-ի հուլիսին ՀՀ ԱՆ «Պրոֆ․ Ռ․Հ․ Յոլյանի անվ․ Արյունաբանական կենտրոն»-ում առաջին անգամ իրականացվեց ոսկրածուծի ալոգեն փոխպատվաստում։
Միջազգային փոխհամագործակցությամբ, Cure2Children բարեգործական հիմնադրամի, իտալացի հայտնի մասնագետ Լոուրենս Ֆոլքների և ոսկրածուծի փոխպատվաստման հայկական խմբի /ArmBMT/, ի դեմս ոսկրածուծի փոխպատվաստման մանկական խմբի ղեկավար Լուսինե Քրմոյանի, մանկաբույժ Մանե Գիժլարյանի և ոսկրածուծի փոխպատվաստման ծրագրի ղեկավար Կարեն Մելիքսեթյանի ջանքերով, հուլիսի 7-ին իրականացվեց առաջին ալոգեն փոխպատվաստումը՝ Նիգերիայից 5տ․ երեխայի Մանգաղաձև բջջային սակավարյունությամբ, ում դոնորը հանդիսանում էր իր զույգ քույրը և Կամերունից 1․8տ երեխայի նույնպես Մանգաղաձև բջջային սակավարյունությամբ, ում դոնորը հանդիսանում էր 12տ․ եղբայրը։
